Nikolas Maduro muxolifatga yon berdi

Venesuela prezidenti Nikolas Maduro agar «tinch va mojarolarsiz» o‘tsa, xalq referendumiga roziligini bildirdi. Bu haqda NTN24 telekanali xabar tarqatgan.

«Venesuelaliklarni siyosiy marosimlarni tinchlik bilan o‘tkazishga, bir-birining g‘oyalariga hurmat saqlagan holda o‘tkazishga chaqiraman», — deya prezident so‘zlarini keltirgan telekanal.

Bundan avvalroq Nikolas Maduro o‘zini iroqlik marhum siyosatchi Saddam Husaynga tenglashtirgani xabar qilingandi.

16 iyul kuni Venesuela muxolifati Ta'sis majlisi chaqirilishi qonuniyligi va saylovlar o‘tkazish zarurati masalasi o‘rtaga qo‘yiladigan referendum o‘tkazishga tayyorlanmoqda.