Qatar arab davlatlariga biroz yonbosdi

Qatar hukumati qator arab davlatlari tomonidan terrorizmni moliyalashtirish bo‘yicha ayblovlardan so‘ng terrorchilikka qarshi qonunchilikka tuzatishlar kiritdi, deb xabar bermoqda Reyter agentligi mahalliy OAVga asosan.

Qatar amiri Hamad bin Xalifa at-Taniyning farmoniga ko‘ra, tuzatishlar terrorizm, terrorchilik aktlarini aniqlash tartibi, shuningdek, terrorizmni moliyalashtirish uchun qo‘llaniluvchi aktivlarni muzlatib qo‘yish qoidalariga aniqlik kiritadi.

QNA agentligi ma'lumotiga ko‘ra, yangilangan qonunchilik ikkita “qora” ro‘yxatni tuzish va ularga terrorizm bilan bog‘liq bo‘lgan jismoniy shaxslar va tashkilotlarni kiritish uchun qoidalar o‘rnatishni nazarda tutadi.

Avvalroq arab davlatlari Qatarga talablar ro‘yxatiga oydinlik kiritgani xabar berilgandi.