AQShga Hillari dovuli yaqinlashmoqda

Tinch okeaning Meksika qirg‘oqlariga yaqin yerda Hillari dovuli paydo bo‘ldi. Bu haqda «Fobos» ob-havo markazi xabar qilmoqda.

Dovul ikkinchi turkumga qadar kuchaydi va shimolga qarab harakatlanmoqda. U AQSh qirg‘oqlariga xavf uyg‘otishi mumkinligi aytildi. Xususan, Kaliforniya, Arizona, Nevada va Aydaxo shtatlari dovuldan katta zarar ko‘rishi mumkin.

Dovulning ichida shamol tezligi soatiga 150 kilometrni tashkil etadi, ba'zi joylarda esa 195 kilometrga qadar kuchaygan. So‘nggi ma'lumotlarga ko‘ra, Hillari Meksika qirg‘oqlaridan taxminan 800 kilometrlik masofada, u 3,5 metrlik to‘lqinlarni keltirib chiqarmoqda.

Ta'kidlanishicha, po‘rtana dovulga shamol tezligi soatiga 119 kilometrdan oshsa aylanadi.