Janubiy Koreya mudofaa vazirligi KXDRga qarshi javob choralarini ko‘radi

Janubiy Koreya milliy mudofaa vazirligi KXDRning ballistik raketa sinovidan so‘ng, undan kelib chiqadigan tahdidlarga javob tariqasida choralarni tayyorlaydi. Bu haqda Yonhap agentligi xabar qilmoqda. 

"Shimoliy Koreya tahdidlariga xalqaro javob choralari bilan bir vaqtda biz qisqa muddat ichida o‘z choralarimizni ishlab chiqamiz", - deya vazirlik bayonotini keltiradi agentlik. 

Avvalroq, Pxenyan shimoliy Chagando viloyatidan ballistik raketa sinovini amalga oshirgan edi. KMTA ma'lumotlariga ko‘ra, u 998 km masofaga uchib, 3725 km balandlikka ko‘tarilgan edi. Amerika Qo‘shma Shtatlari va Janubiy Koreya KXDR sinovlariga javoban ballistik raketalarning o‘quv parvozlarini amalga oshirdi.