Foto: Anadolu
Liviya qirg‘oqlarida Afrika mamlakatlaridan yo‘lga chiqqan 155 noqonuniy muhojir qutqarildi, deb xabar qilmoqda Anadolu agentligi.
Liviya milliy sulh hukumati harbiy-dengiz kuchlari vakilining ma'lum qilishicha, qutqarilganlar orasida 18 nafar ayol va 10 nafar bola ham bor.
Ular qutqarilgach, birinchi yordam ko‘rsatilib, Liviya hududidagi qochqinlar lageriga yuborilgan.
BMT ma'lumotlariga ko‘ra, 2017 yil boshidan beri O‘rta yer dengizida 1800 ga yaqin qochqin g‘arq bo‘lgan.
