Jahon | 14:34 / 14.08.2017
9103
2 daqiqa o‘qiladi

Big-Ben to‘rt yil davomida “jim turadi”

Foto: Reuters

Vestminster saroyining minora soatlari – Big-Ben 21 avgustdan boshlab ta'mirlash ishlari tufayli “jim bo‘ladi”. Bu haqda Reuters parlamentning quyi palatasiga asosan xabar qildi. Ta'mirlash ishlari taxminan to‘rt yil davom etadi.

So‘nggi 157 yil davomida har soatda 14 tonna og‘irlikka ega qo‘ng‘iroqni urib kelgan bolg‘alar soatlardan ajratib qo‘yiladi. Qo‘ng‘iroq chalinishini faqatgina muhim hodisalarda, masalan, Yangi yilning nishonlanishi davomida eshitish mumkin bo‘ladi.

Yelizavetaning 96 metr keluvchi minorasi Buyuk Britaniyaning eng mashhur joylaridan biri bo‘lib, uning yarmi yirik ta'mirlash loyihasi doirasida havozalar bilan yopib qo‘yildi.

Ta'mirlash ishlari davomida Big-Benning siferblatlarini yuvish va sozlash rejalashtirilgan. Shu bilan birga, faqatgina uchtasi yopiladi, to‘rtinchisi esa vaqtni zamonaviy elektr dvigatelida ishlagan holda ko‘rsatishda davom etadi (ta'mirlashdan so‘ng asl soat mexanizmi qaytariladi).

Mavzuga oid