Vladivostokda O‘zbekiston bosh konsulligi ochiladi

Rossiya federatsiyasi hukumati boshlig‘i Dmitriy Medvedev farmoyishiga binoan Vladivostokda O‘zbekiston Respublikasi bosh konsulxonasi ochiladi.

Farmoyishga ko‘ra, konsullik okrugi Saxa respublikasi (Yoqutiston), Kamchatka, Primore, Xabarovsk o‘lkasi, Amur, Magadan, Saxalin oblastlari va Chukotka avtonom okrugini qamrab oladi.

Eslatib o‘tamiz, aprel oyida O‘zbekiston Tashqi ishlar vaziri o‘rinbosari Javlon Vahobov Rossiyaning Sankt-Peterburg, Qozon, Rostov, Yekaterinburg, Vladivostok, shuningdek, Qozog‘istonning Olmaota shaharlarida O‘zbekiston konsulxonalari ochilishi haqida ma'lum qilgandi.

Shu vaqtgacha Rossiyada Moskva va Novosibirsk shaharlarida konsullik bo‘limlari mavjud edi.