Koutino «Barselona»ga o‘tmasa, «Liverpul»da ham o‘ynamaydi

«Liverpul» yarim himoyachisi Filippe Koutinyu «Barselona»ga o‘tish fikrida qat'iy turibdi.

El Mundo Deportivo xabariga ko‘ra, mersisaydliklar kataloniyaliklar jamoasining 25 yoshli braziliyalik futbolchisi uchun taklif etilgan 100 million yevroni rad etgan. Shuningdek, Koutinoning o‘zini transferga qo‘yishlarini so‘rab qilgan murojaati qaytarilgan.

Ammo havbek bunga javoban «Liverpul»ning yangi mavsum startidagi o‘yinlarida qatnashishdan bosh tortdi. U bu niyati haqida klub bosh murabbiyi Yurgen Kloppga ma'lum qilgan. Koutinoni o‘yin amaliyotisiz qolishi JCh-2018 turniridagi ishtirokini so‘roq ostida qoldirishi ham ortga chekintirmaydi.

Ushbu yetakchisisiz mersisaydliklar jamoasi ichki chempionatda «Uotford»ga qarshi o‘yinda durang o‘ynadi (3:3), YeChL pley-off bosqichida  «Hoffenxaym»ga qarshi kechgan birinchi uchrashuvda (2:1) hisobida g‘alaba qozondi.