Boshpanasiz qolgan ayol taqdiri nima bo‘ldi?

Facebook ijtimoiy tarmog‘ida bir farzandi bilan boshpanasiz, ko‘chada qolgan ayol haqida xabar tarqaldi. Bu ayolni 13 avgust kuni tarmoq foydalanuvchisi Andijon viloyati Shahrixon-Bo‘z tumanlari oralig‘ida ko‘rganini va yaqindan yordam berayotganini yozib, videoyozuv ham qoldirgan. Bu voqea ko‘plab munozaralarga sabab bo‘ldi.

Avval ijtimoiy tarmoqqa xabar qoldirib, xotini bilan birga bolali ayolga ko‘mak bergan Otabek ismli yigit bilan bog‘langanimizda u Shahrixon tuman hokimligiga murojaat qilganini aytdi.

Ayni paytda taqdir sinoviga duch kelgan Ziyoda Yo‘ldasheva va uning qizini tuman hokimligi Bobochek mahallasidagi ikki xonali bo‘sh turgan binoga joylab, jihozlar  va oziq-ovqat mahsulotlari bilan ta'minlagan. Hokimlik vakili besh yoshli bolasini hech qanday muammosiz bog‘chaga olinishi, hamda onasi ishga joylashtirilishini aytdi.

Ayol taqdiriga to‘xtaladigan bo‘lsak, uni ikki marta shar'iy nikoh orqali turmush qurgani va ikkinchi eri vafot etgandan so‘ng shunday holatga tushganini gapirib berdi. Ota-onasi olamdan o‘tib ketgan.       

Shahrixon tuman hokimiyati boshpanasiz ayolni alohida uy bilan ta'minlash va uni ishlik qilish harakatida.

Ayolning to‘rt muchasi butun, qizchasi ham sog‘lom. Uning bilimi yetarli bo‘lmagani uchun qayerga murojaat qilishni bilmagan. Ijtimoiy muhofazaga muhtojligi bor. Jamiyatga qo‘shilib, mehnat qilib hayoti izga tushishi uchun o‘zi ham harakat qilishi lozim. Otabek ismli yigitni unga yaqindan yordam bergani esa e'tiborga molik. 

Inson taqdiriga befarq bo‘lmay, o‘z yordamini bermoqchi bo‘lgan yurtodoshlarimiz uchun: 

PayMe/Click: 8600 0602 0091 9752