Olmazor tumanida firibgar ushlandi

2017 yilning may oyi o‘rtalarida, noma'lum shaxs, Olmazor tumani hududida, fuqaro Mirjon Xalimjanovning (jabrlanuvchining anketa ma'lumotlari o‘zgartirilgan) ishonchiga kirib, unga tegishli bo‘lgan «Iphone-4S» rusumli uyali aloqa telefonini 1.000.000 so‘m miqdordagi pullarga sotib olishini va'da qilib, aldov va ishonchni suiiste'mol qilish yo‘li bilan mazkur uyali telefonni egallab, jinoyat joyidan yashiringan. Bu haqda poytaxt IIBB xabar berdi.

Mazkur holat yuzasidan, Olmazor tumani IIB huzuridagi Tergov bo‘limi tomonidan O‘zbekiston Respublikasi JKning 168-moddasi 1-qismi (firibgarlik, ya'ni o‘zganing mulkini aldash va ishonchni suiiste'mol qilish yo‘li bilan qo‘lga kiritish) alomatlari bilan jinoyat ishi qo‘zg‘atilgan. 

Ichki ishlar idoralari xodimlari tomonidan o‘tkazilgan tergov-tezkor tadbirlari natijasida, mazkur jinoyatni Rashid Latipov sodir etganliklari aniqlangan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.