Foto: BelTA
Belarus prezidenti Aleksandr Lukashenko 26 avgustda kenja o‘g‘li Nikolay bilan o‘z dala maydonida yetishtirilgan kartoshkani yig‘ishda ishtirok etdi. Bu haqda “BelTA” axborot agentligi xabar bermoqda.
“Bugun prezidentning tig‘iz ish jadvalida nisbatan bo‘shroq kun chiqib qoldi va u o‘z dala maydonida ishladi. Hosil yig‘di”, deb aytilgan Lukashenko matbuot xizmatida.
Ma'lum qilinishicha, 3 gektar maydondagi hosil yig‘ib olingan. Hosilning umumiy vazni 105 tonnani tashkil qilgan. Ma'lum qilinishicha, hosilning bir qismi bolalar ijtimoiy muassasalari va keksa odamlarga beriladi.
