Mirobod tumanida talonchilik fosh etildi
2017 yilning 22 avgust kuni taxminan soat 08:00 larda, muqaddam O‘zbekiston Respublikasi Jinoyat kodeksining 166-moddasi (talonchilik) bilan sudlangan Z.V.V. o‘zganing mulkini ochiqdan-ochiq ravishda talon-toroj qilish maqsadida, Mirobod tumanida joylashgan “Ipoteka” bankining yonida bo‘la turib, fuqaro I.V.V.ning sog‘ligi uchun xavfli bo‘lmagan zo‘rlik ishlatib, unga tegishli bo‘lgan «LG» rusumli uyali telefoni, “Ipoteka” banki tomonidan berilgan plastik kartasi va 560.000 so‘m miqdoridagi pullarini egallab olgan. Bu haqda Toshkent IIBB xabar berdi.
Mazkur holat yuzasidan, Mirobod tumani IIB huzuridagi Tergov bo‘limi tomonidan O‘zbekiston Respublikasi JKning 166-moddasi 3-qismi «a» bandi (talonchilik, ya'ni xavfli retsidivist tomonidan, sog‘liq uchun xavfli bo‘lmagan zo‘rlik ishlatib, o‘zganing mulkini ochiqdan-ochiq talon-toroj qilish) alomatlari bilan jinoyat ishi qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Mavzuga oid
11:44 / 08.09.2024
«Talonchilik bilan aynan harbiylar shug‘ullanayotganidan xabaringiz yo‘qmi?» Kurskliklar nega o‘z uylarini tark etishdan qo‘rqmoqda
07:14 / 04.09.2024
Toshkentda yo‘l o‘rtasidagi ustunga borib urilgan Cobalt yonib ketdi
11:13 / 05.06.2024
Jizzaxda talonchilik qilgan jinoiy guruh ushlandi
11:56 / 23.05.2024