Foto: AFP
«Barselona» ijrochi direktori Albert Solerning ma'lum qilishicha, «Liverpul» rahbariyati yarimhimoyachi Filippe Koutinoning narxini 200 mln. yevroga baholagan.
Kataloniyaliklar klubi yozgi transferlar vaqtida braziliyalik futbolchini qo‘lga kiritish uchun ko‘p bor uringan, ammo yakunda bu ish amalga oshmay qoldi.
«Kecha «Liverpul» bizdan futbolchi uchun 200 mln yevro talab qildi. Biz klubni xavfga qo‘yishni istamadik», — deya Solerning so‘zlarini keltiradi «Barselona» rasmiy tvitteri.
Xabar qilinishicha, 25 yoshli Koutinoning o‘zi «Barselona»ga o‘tishni istagan va bu voqea amalga oshmagani uchun qattiq xafa bo‘lgan.
