Messi «Barselona»dan ketmoqchi

«Barselona» hujumchisi Lionel Messi klub bilan shartnomasini uzaytirishni istamayapti. Bu haqda ispan matbuoti xabar tarqatmoqda.

Onda Cero radiostansiyasi tvitterining yozishicha, argentinalik futbolchi shartnomasi nihoyasiga qadar to‘p suradi va keyinchalik jamoani erkin agent sifatida tark etadi. Bu voqea 2018 yilning yozida sodir bo‘ladi. Ammo hozircha uning qaysi jamoa safiga borib qo‘shilishi aniq emas.

Bundan oldinroq, uning «Manchester Siti» safiga borib qo‘shilishni istayotgani haqida xabarlar tarqalgandi.

Bunga qadar «Barselona» rahbariyati Messining yangi shartnomaga qo‘l qo‘yish uchun kelishib olganini ta'kidlagandi. Ammo keyinroq Lionel Neymarning «PSJ»ga o‘tib ketishi natijasida rahbariyatidan keskin norozi bo‘lib jamoani tark etish niyatiga tushib qolgandi.

Joriy mavsumda 30 yoshli Lionel Messi «Barselona» uchun to‘rtta o‘yinda maydonga tushib, uchta gol kiritgan.