Adliya vazirligi markaziy apparatga yuqori malakali huquqshunoslarni ishga taklif qilmoqda

O‘zbekiston Respublikasi Adliya vazirligi markaziy apparatga yuqori malakali huquqshunoslarni ishga taklif qiladi.

Nomzodlarga qo‘yiladigan talablar:

- oliy yuridik ma’lumot;
- Ingliz tili (IELTS 5,5 ball) yoki boshqa chet tillarini, shuningdek rus tilini bilish;
- Tahliliy materiallar tayyorlash qobiliyatiga ega bo‘lish.

Vazifalari:

- huquqni qo‘llash amaliyoti va  norma ijodkorligi sohasida monitoring va tahlillar o‘tkazishda ishtirok etish, shuningdek natijalariga ko‘ra amaldagi qonun hujjatlarini yanada takomillashtirish bo‘yicha takliflar ishlab chiqish;
- huquqni qo‘llash amaliyoti bo‘yicha tahliliy materiallar tayyorlash;
- hujjatlar loyihalarini tayyorlash;
- statistik ma’lumotlarni tahlil qilish va natijasi bo‘yicha takliflar tayyorlash;
- normativ-huquqiy hujjatlar loyihalarini ishlab chiqishda va huquqiy ekspertizadan o‘tkazishda ishtirok etish;
- yuridik va jismoniy shaxslarning murojaatlarini ko‘rib chiqish va qonuniy hal etish.

Oylik ish haqi, ijtimoiy himoyalashga qaratilgan choralar va to‘lovlar:

- oylik ish haqi – dastlab 1,5 mln. so‘mdan 2 mln. so‘mgacha, keyinchalik ushbu oylik ish haqiga martaba darajalari uchun va ko‘p yillik xizmati uchun 45 foizgacha qo‘shimchalar qo‘shib boriladi;
- adliya organlari xodimlariga beriladigan maxsus unvon – martaba darajalari beriladi;
- transport xarajatlarini qoplash uchun har oylik kompensatsiya to‘lovi (eng kam oylik ish haqi miqdorida);
- xodimlarning oziq-ovqat xarajatlarini qisman qoplash uchun har oylik kompensatsiya to‘lovi (eng kam oylik ish haqi miqdorida);
- mehnat kodeksida belgilangan 6 ta bayram va 4 ta chorak yakunlari bo‘yicha oylik ish haqi fondi miqdorida mukofot pullari;
- xodim ta’tilga chiqqanda ikki oylik ish haqi fondi miqdorida moddiy yordam puli;
- xodimga oilaviy sharoitiga ko‘ra ijtimoiy muhofaza qilish tarzidagi pul mablag‘i (eng kam oylik ish haqining ikki baravari miqdorida);
- qishloq xo‘jaligi mahsulotlari sotib olish uchun yilda bir marotaba moddiy yordam (eng kam oylik ish haqining ikki baravari miqdorida)
- turli xil  konsert  va teatrlarga chiptalar  hamda  sanatoriy va boshqa davolash muassasalariga, shuningdek bolalar oromgohlariga yo‘llanmalar;
- uy-joy sharoitlarini yaxshilashga muhtoj bo‘lgan xodimlarga uy-joy sotib olish uchun besh yildan ko‘p bo‘lmagan muddatga va eng kam ish haqining ming barobaridan oshmagan miqdorda foizsiz qarz ajratish;
- xodimlarga uy-joylarni ijaraga olganlik (ijarada turganlik) uchun kompensatsiya to‘lovi;
- qonun hujjatlari talablari asosida Toshkent shahri va Toshkent viloyatida doimiy propiskaga kiritish.

 Bundan tashqari:

- Mansab lavozimlarida o‘sib borish;
- Ilg‘or xorijiy tajribani o‘rganish maqsadida chet ellarga xizmat safarlari va stajirovkalar.

Tanlovda ishtirok etish istagini bildirgan nomzodlar 2017 yil 25 sentabr kuniga qadar o‘z rezyumesini kadr@minjust.gov.uz elektron pochtasiga yuborishlari lozim. Yuborilayogan rezyumeda nomzodning yashash manzili va telefon raqamlari to‘g‘risidagi ma’lumotlar ham eks ettirilishi kerak.