AQShda 78 yil ichida ilk marotaba Trotskiy o‘ldirilgan muzo‘yar bolta namoyish etiladi

Vashingtondagi Xalqaro josuslik muzeyi kelasi yili, 78 yil ichida birinchi marta Lev Trotskiy o‘ldirilgan muzo‘yar boltani keng ommaga namoyish qiladi. Bu haqda The Guardian yozmoqda.

2018 yilda muzey yangi binoda ochiladi va kolleksiyani besh mingta yangi buyum bilan to‘ldiradi, ular orasida muzo‘yar bolta ham bor.

Gazetaning ta'kidlashicha, Trotskiy o‘ldirilgan jinoyat quroli ilk bora 1940 yilda, politsiya matbuot anjumanida ko‘rsatilgan. Shundan so‘ng muzo‘yar bolta politsiyada saqlangan, so‘ng uni politsiyachi Alfredo Salas o‘zi bilan birga olib ketgan. Keyinchalik bolta uning qizi Ana Alisiyada bo‘lgan.

Ayol muzo‘yar boltani 40 yil davomida karavoti ostida yashirib kelgan va 2005 yilda savdolarga qo‘ygan. U pul olish maqsadida, uni Trotskiyning nabirasiga tekinga berishdan bosh tortgan hamda qurolni amerikalik kolleksioner Kit Meltonga sotib yuborgan. Aynan u muzo‘yar boltani josuslik muzeyiga taqdim etgan.