O‘FF O‘zbekiston futbolini rivojlantirish maqsadida 5 yillik islohotlar reja dastur ishlab chiqadi

O‘zbekiston Futbol Federatsiyasining yangi rahbariyati tomonidan bolalar-o‘smirlar va ommaviy futbolni yanada rivojlantirish, milliy terma jamoalarning faoliyatini tubdan isloh qilish, futbol bo‘yicha O‘zbekiston chempionati saviyasini ko‘tarish, kadrlar tayyorlash va ularning malakasini oshirish, xalq va ishqibozlar bilan muloqot ko‘priklarini yanada ko‘paytirish bo‘yicha chora-tadbirlar rejasi ishlab chiqilayapti. Bu haqda O‘FF rasmiy sayti xabar tarqatdi.

Manbaga ko‘ra, shu asosda federatsiyaning bo‘linmalarini qayta ko‘rib chiqish va ma'muriy apparatga yetuk mutaxassislarni jalb qilish rejalashtirilmoqda.

O‘zbekiston Futbol Federatsiyasi ushbu xabar e'lon qilinganidan 10 kun o‘tib, mamlakat futbolini rivojlantirish yo‘lidagi 2018–2022 yillarga mo‘ljallangan islohotlar rejasi, O‘zbekiston futbolini yanada rivojlantirish dasturi yuzasidan jamoatchilikka ma'lumot beradi.