Foto: Tramp va o‘t o‘ruvchi bola

11 yoshli Frenk Giachcho Oq uyda ma'lum vaqt o‘t o‘ruvchilik qildi. U AQSh prezidenti Donald Trampga xat yozib, unda qo‘shnilarining gazonlarini o‘rib berishini aytgan va Oq uy o‘tlog‘ini bepul o‘rib berishni taklif qilgan.

15 sentabrda bolakay Oq uyga taklif qilindi. Bola u yerda bir soatga yaqin o‘t o‘ruvchi mashinada o‘t o‘rdi. Lahzalardan birida uning yoniga Tramp kelib, bolakayni qilgan ishi uchun maqtagan va unga “AQSh kelajagi” ekanligini aytgan. Ta'kidlash joizki, bola qulog‘idagi tiqinlar sababli Trampni darhol payqamagan va ishlashda davom etgan.

Tramp tvitterda bola ancha ish qilganini ta'kidlab o‘tgan. Tramp ma'muriyati matbuot xizmatida bola unga berilgan shunday imkoniyat uchun Trampga minnatdorlik bildirgani qo‘shimcha qilingan.

Bolakay o‘tloqni o‘rib bergach, Tramp Frenkni va uning otasini o‘z xonasiga taklif qilgan.