"Demokratik davlatlarda barcha bilan, butun jamiyatga quloq tutgan holda qaror qabul qilish uchungina ovoz berishadi. O‘rtaga tikilgan narsa – bu siyosiy talab emas, balki demokratiya poydevoridir. Huquqiy davlat faoliyat ko‘rsatgan va bu davom etadi", - deya ma'lum qilgan bosh vazir fuqarolarga murojaatida.
U jyeneralitet (Kataloniya hukumati) a'zolarini 1 oktabr kuni ovoz berish rejalaridan voz kechishga chaqirdi. "Ular bu referendumni o‘tkazish imkonsiz ekanini bilishadi. U hech qachon qonuniy bo‘lmagan. Ular qonun va demokratiya doirasiga qaytishlari kerak", - dedi Raxoy.
Bosh vazir kataloniyaliklarning aksariyati manfaatiga quloq tutish hamda “bosh egmaslikdan voz kechishga” chaqirdi. "Demokratiya va qonunga nisbatan bunday doimiy chaqiriq hech kimga foyda keltirmaydi", - deya qo‘shimcha qildi Raxoy.
Uning eslatishicha, 1 oktabr kungi ovoz berish xalqaro qo‘llab-quvvatlovga ega emas. "Yanada ko‘proq muammo keltirib chiqarmang, kataloniyaliklarga tinch yashashga imkon bering. Noqonuniy loyihada kelajak yo‘q, u hech qanday xalqaro qo‘llab-quvvatlovga ega emas", - degan Ispaniya bosh vaziri.
Eslatib o‘tamiz, Kataloniya hukumati 1 oktabr kuni mustaqillik bo‘yicha referendum o‘tkazish niyatida, u Ispaniya hukumati tomonidan tan olinmayapti. Ispaniya Konstitutsiyaviy sudi ovoz berish bo‘yicha barcha hujjatlar harakatini to‘xtatish haqida qaror chiqargan.
