Putin Turkmanistonga keladi

Rossiya prezidenti Vladimir Putin oktabr oyi boshida Turkmanistonga rasmiy tashrifini amalga oshiradi. Kreml matbuot xizmati xabar berishicha, Putin Turkmaniston prezidenti Gurbanguli Berdimuxamedov bilan uchrashishni rejalashtirgan.

«Turkmaniston prezidenti Gurbanguli Berdimuxamedovning taklifiga ko‘ra Rossiya prezidenti Vladimir Putin shu yilning 2 oktabr kuni ushbu mamlakatga boradi», — deyilgan xabarda.

Qayd etilishicha, muzokaralar yakunida tomonlar qator hujjatlarni imzolashadi.

Muzokaralar chog‘ida siyosiy, savdo-iqtisodiy, ilmiy-ma'rifiy va madaniy-gumanitar sohalarda ikki tomonlama hamkorlikni rivojlantirish masalalari muhokama etiladi. Shuningdek, mintaqaviy muammolar ko‘rib chiqiladi.