A seriya. «Napoli» yirik hisobda g‘alaba qozonib, yakka peshqadam bo‘lib oldi

Italiya chempionatining 7-turida "Napoli" o‘z maydonida "Kalyari"ni qabul qildi. Uchrashuv mezbonlarning 3:0 hisobidagi yirik g‘alabasi bilan yakunlandi. 

4-daqiqada Hamshik hisobni ochgan bo‘lsa, 40-daqiqada Mertens penaltini aniq amalga oshirib, oradagi farqni oshirdi. Mezbonlar 3-goli 47-daqiqada Kulibali tomonidan kiritildi. 

"Napoli" 7-turdan so‘ng 21 ochko bilan 1-o‘rinda bormoqda. 2-o‘rinda borayotgan "Yuventus" hisobida olti o‘yindan keyin 18 ochko mavjud. 

Napoli – Kalyari 3:0 (2:0, 1:0)
Gollar: 1:0 – 4 Hamshik, 2:0 – 40, penalti Mertens, 3:0 – 47 Kulibali.
Napoli – Reyna, Kulibali, Husay, Albiol, G‘ulom (Mariu Ruy, 87), Jorjino, Hamshik, Insine, Allan (Una, 78), Kalexon (Rog, 71), Mertens.
Kalyari – Krano, Kapuano, Andreolli, Romanya, Chigarini (Deyola, 56), Padoin, Ionitse, Barella, Joao Pedro, Pavoletti (Farias, 66), Sau (Dessena, 34).