«Bavariya»da nimalar böldi? Ançelottining Myunxendagi sarguzaştlari

Sal teparoqda Jyerom Boateng ham aççiqlanib ötirardi. Unga asosiy tarkibda tuşmasligini aytişgan, ammo umuman zayavkadan çetda qolişi jahon çempioni uçun kutilmagan bölgandi. Bu holat ötgan mavsum oxirida ham kuzatilgan, Germaniya Kubogi yarim finalida, şu paytgaça «Bavariya» himoyasi yetakçisi sanalgan Boateng örniga Xavi Martines afzal körilgandi.

Endi murabbiyning tarkibni tanlaş siyosatiga bölgan tanqidlar töxtamaydi. Uning Madriddagi öyinda sariq kartoçkaga «osilib qolgan» Vidalning öz vaqtida almaştirmagani ham yana bir bahs mavzusi – xuddi şunday holatda raqib ustozi Zidan Kazemironi almaştirgan va yakunda Vidalning qizil kartoçkasi öyin taqdirini hal qilgandi. Yoki yaqinda «Volfburg»ga qarşi (2:2) muvaffaqiyatsiz keçgan uçraşuv tanaffusidagi holat eslanadi: «e'tiborliroq bölinglar» – murabbiyning jami taktik körsatmalari atigi mana şu sözga jo bölgan ekan.    

Italiyalik murabbiyning köp holatlarda böşanglik qilgani yana bir faktor bilan ham izohlanadi -  Ançelottining yordamçisi öz öğli Davide, fitnes-murabbiy esa, «kaşanda» laqabi bilan tanilgan Jovanni Maur edi. Mauri hatto yeçiniş xonalarida ham çekavergan, uning mutaxassislik darajasi haqida ham afsonalar töqilgan – uning hisoblaşiça, maşğulotlar oldidan 3 daqiqalik çigalyozdi maşqlari yetarli ekan.

Noyyer, Boateng, Myuller kabi yetakçilar maşğulotlardagi yuklamalar yetarli bölmayotgani haqida Rummeniggega arz qilişdi, bir qator futbolçilar öz taşabbuslari bilan qöşimça maşğulotlar taşkil qilganlarida murabbiy taqiqladi – futbolçilar alohida boşqa yerlarda şuğullana boşlaşdi. Aren Robbenning gaplari esa yanada aççiq edi: «Mening öğlim şuğullanadigan «Gryunvalderştadion»da yaxşiroq şuğullantirişadi» – deb yubordi jahl ustida niderlandiyalik yarim himoyaçi.

Kimmih, Kuman kabi yoş futbolçilar jamoada özlarini u qadar kerakli his qilmadilar, hatto yozda kelajaklari borasida klub rahbariyatiga murojaat qildilar. Boateng ham jamoani tark etiş haqida öylab qolgandi.

Mavsum boşidagi iste'fo köpçilik uçun erta amalga oşirilgandek tuyulsa-da, bu  aslida keçroq sodir bölganini ham isbotlaydi. Aslida bir yillik faoliyatdan keyin Karlo Ançelottiga javob berilişi kerak edi, degan fikrlar hozir eng baland ovozlarda yangramoqda. Maşğulotlar yetarliça intensiv emasligi haqida ötgan yili Filip Lam va Xabi Alonso kabi veteranlar ham aytişgandi. Jamoadagi professional muhit haqida gap ham yöq, hamma öz bilganiça, istaganini qilavergan. Ançelotti atrofida yiğilib olgan bir guruh malakasiz italiyaliklar çetdan qaraganda öz holiça yaşab yurişar, futbolçilarning murabbiylar «yoqimtoyi» Alkantaraga bölgan raşki ham, Riberi, Boateng yoki Myullerning nafrati ham kundan kunga oşib borar edi.

Lekin ketma-ket beşinçi çempionlik klub rahbarlarining közlarini şamğalat qilgandi – axir qanday qilib 15 oçkolik farq bilan mamlakat çempioni bölgan murabbiyni haydaş mumkin? Rahbarlar Ançelottining qaysarligi yaxşilik bilan töxtaşiga, ba'zi masalalar asta-sekinlik bilan öz yeçimini topişiga işonib xato qilgan edilar. Ammo ikki marta «Milan»ni, bir marta «Real»ni Çempionlar ligasi ğolibligiga yetaklab borgan buyuk murabbiydan faqat bundesliga çempionligi qoldi xolos. Jamoani taktik qoliplarga tuşirib taşlagan Pep Gvardioladan söng, Ançelotti faoliyati biroz erkinroq, quvnoqroq va osonroq keçişi taxmin qilingandi, ammo hammasi aksi bölib çiqdi.

Levandovski töpurarlik bahsida uni murabbiy quvvatlamagani haqida oçiqçasiga aytayotganda, Riberi futbolkasini zaxira örindiğiga irğitayotganda rahbariyat aralaşmadi, Ançelotti ham ojiz qoldi – bu murabbiyning jamoa içidagi avtoritetiga putur yetkazdi. Parijdagi öyinda tanlangan boşlanğiç tarkib esa, «bomba»ni portlatib yuborişga yetarli böldi. 

Yangi murabbiy uçun eng muhim vazifa jamoaning içki muhitini yaxşilaş va eng avvalo, «hamma narsa uçun birgalikda kuraşiş» ğoyasini qaytadan singdirişdir. Aks holda, şunçaki norozilarni tarkibga qöşiş bilan iş bitmaydi, bu holda boşqa norozi futbolçilar ham paydo bölişi tabiiy. Şu bilan birgalikda, klub rahbariyati ham bu yölda jamoa bilan birga bölişi va murabbiyni qöllab-quvvatlaşlari kerak böladi.

Kicker materiali asosida