SSV: Vladimirda halokatga uchragan o‘zbekistonliklarga tibbiy yordam ko‘rsatish bo‘yicha tezkor guruh tuzildi

Vladimirda halokatga uchragan o‘zbekistonliklarga tibbiy yordam ko‘rsatish bo‘yicha tezkor guruh tuzildi. Bu haqda KUN.UZ’ga Sog‘liqni saqlash vazirligi axborot xizmati xabar berdi.

Qayd etilishicha, guruh malakali jarroh, neyrojarroh, travmatolog, ortoped, anesteziolog, nevrolog kabi mutaxassislardan tarkib topgan. Ular zarur tibbiy vositalar, dori-darmon zaxiralari bilan yetarli darajada ta'minlangani aytilmoqda. 

Ayni vaqtga guruh Rossiya Federatsiyasiga uchib ketishga tayyor holatda. Respublika shoshilinch tibbiy yordam ilmiy markazida halokat oqibatida jabrlanganlarga yuqori malakali tezkor tibbiy yordam ko‘rsatish uchun zaxira o‘rinlari tayyorlandi. Qo‘shimcha dori-darmon va tibbiy vositalar yetkazib berilgan.