Буюк Британияда автобус ҳайдовчиси ўз транспорт воситасининг мотор жойлашган қисмида Судан ва Эритреядан бўлган тўрт муҳожирни топди, деб ёзмоқда Daily Mail.

Нашрнинг хабар қилишича, автобус Франциянинг Кале шаҳридан Буюк Британияга қайтиб келаётган бўлган. Ҳайдовчи йўл бўйидаги сервисда тўхтаганида, двигатель жойлашган ердан турли товушлар чиқаётганини эшитди. Ҳайдовчи мотор бўлмасини очгач, у ердан мигрантларни топган.

"Мотор бўлмасини очдим ва у ерда ёқимсиз тасаввур уйғотган юзни кўрдим. У ердаги ҳарорат Цельсий бўйича тахминан 65 даража бўлиши керак эди. Улар тўрт нафар эди, ҳамда бу ерда камида беш ярим соат давомида бўлишган", - дея айтиб ўтди британиялик нашрга.

Ўз навбатида муҳожирлар: "Бу Англиями?" дея бақиришган. Ҳайдовчи полициячиларни чақиртирди, улар автобусдан "чақирилмаган меҳмонларни" олиб чиқишди.