JCh-2018. Serbiya muddatdan oldin JCh’ga chiqa olmadi

2018 yilgi jahon chempionati uchun saralash bosqichining D guruhida Avstriya o‘z o‘yida guruh peshqadami Serbiyani qabul qildi. Gollarga boy bo‘lgan uchrashuvda mezbonlar so‘nggi daqiqalarda urilgan gol evaziga 3:2 hisobida g‘alaba qozonishdi. 

Mezbonlar tarkibida Burgshtaller, Arnautovich va Shaub gol urgan bo‘lsa, mehmonlarning gollariga Milivoyevich va Matich mualliflik qilishdi. 
Shu tariqa Serbiya muddatdan oldin jahon chempionatiga chiqish imkoniyatidan foydalana olmadi. 

Guruhda 2-o‘rin uchun kurashayotgan Irlandiya o‘z uyida Moldovani 2:0 hisobida mag‘lub qildi. Har ikkala golga ham Merfi mualliflik qildi. 

So‘nggi tur arafsida serbiyaliklar 18 ochko bilan guruh peshqadami bo‘lib turgan bo‘lsa, Uelsda hisobida 17, Irlandiyada esa 16 ochko bor. 

D guruhi
Avstriya – Serbiya 3:2 (1:1, 2:1)
Gollar: 0:1 – 11 Milivoyevich, 1:1 – 25 Burgshtaller, 2:1 – 76 Arnautovich, 2:2 – 83 Matich, 3:2 – 89 Shaub.
Avstriya – Lindner, Dragovich, Danzo, Veber, Bauer, Kaynts (Shaub, 61), Baumgartlinger, Grillich (Lazaro, 77), Ilzanker, Arnautovich, Burgshtaller (Gregorich, 82).
Serbiya – Stoykovich, Kolarov, Ivanovich, Mitrovich, Rukavina (Lyayich, 69), Tadich, Matich, Gachinovich (Priyovich, 87), Milivoyevich, Nastasich, Mitrovich.
Ogohlantirishlar: Veber (43), Ilzanker (44), Burgshtaller (55), Bauer (70), Dragovich (90).

Irlandiya – Moldova 2:0 (2:0, 0:0)
Gollar: 1:0 – 2 Merfi, 2:0 – 19 Merfi.
Irlandiya – Rendolf, Kristi, Klark, Uord, Daffi, Xendrik, O`Doda, Xulaxan (Makgidi, 79), Meyler, Long (Maguayr, 83), Merfi (Arter, 79).
Moldova – Chebanu, Bordiyan, Raku, Yepuryanu, Rozgonyuk, Gatskan, Anton, Ionitse, Pletike (Ambros, 79), Dedov (Kochuk, 55), Gynsar.
Ogohlantirishlar: Rozgonyuk (41), Arter (90).
Chetlatish: Gatskan (90).