O‘zbekiston Respublikasi favqulodda vaziyatlar vaziri bir qator harbiy xizmatchilarni lavozimlarga tayinlash to‘g‘risidagi buyruqni imzoladi.
Podpolkovnik Xurshid Sotiyev Toshkent shahar Favqulodda vaziyatlar boshqarmasi boshlig‘i lavozimiga tayinlandi. Avval X. Sotiyev Navoiy viloyati Favqulodda vaziyatlar boshqarmasi boshlig‘i lavozimida faoliyat olib borgan.
Podpolkovnik O‘lmas Meyliyev Samarqand viloyati Favqulodda vaziyatlar boshqarmasi boshlig‘i lavozimiga tayinlandi. Avval podpolkovnik O‘. Meyliyev Jizzax viloyati Favqulodda vaziyatlar boshqarmasi boshlig‘i lavozimida faoliyat olib borgan.
Podpolkovnik Abror Djamalov Jizzax viloyati Favqulodda vaziyatlar boshqarmasi boshlig‘i lavozimiga tayinlandi. Avval podpolkovnik A. Djamalov FVV markaziy apparat Tezkor boshqarmasi bo‘limi boshlig‘i lavozimida faoliyat olib borgan.
