O‘zbekiston | 12:30 / 11.10.2017
10462
2 daqiqa o‘qiladi

Toshkent shahar yer resurslari va davlat yer kadastri boshqarmasi​ endi qog‘oz ko‘rinishida ma'lumot taqdim etmaydi

2017 yil 11 oktabrdan boshlab, ko‘chmas mulkni realizatsiya qilish, oldi-sotdi, meros bo‘yicha bitimlarni amalga oshirish uchun binolar va inshootlarning tarkibi va shu kabi ma'lumotlar Toshkent shahar yer resurslari va davlat yer kadastri boshqarmasi tomonidan idoralararo elektron aloqalar orqali notarial idoralarga beriladi.

Toshkent shahar yer resurslari va davlat yer kadastri boshqarmasi Axborot xizmati tarqatgan xabarga ko‘ra, endilikda mazkur boshqarmada yuqorida sanab o‘tilgan holatlar bo‘yicha qog‘oz ko‘rinishdagi ma'lumotnomalarni taqdim etish to‘xtatiladi. Joriy yil 27 fevralida Vazirlar Mahkamasi tomonidan qabul qilingan qarorga ko‘ra, notarial idoralarda idoralararo elektron ma'lumot almashinuvi yo‘lga qo‘yilishi kerak. Kadastr boshqarmasining yangi tartibdagi ishga o‘tishi bu muhim o‘zgarishning ilk bosqichlaridan biri hisoblanadi.

Xabarda aytilishicha, bunday qulayliklar avvalo boshqarmada turnaqator navbatlar hosil bo‘lishini yo‘qotib, ish unumdorligini, aniq ma'lumotlarni tayyorlashda yordam beradi.

Mavzuga oid