Qoʻshimcha funksionallar
-
Tungi ko‘rinish
Qirg‘izistondagi saylovda davomat past
15 oktabr kuni Qirg‘izistonda o‘tkazilayotgan prezidentlik saylovida mahalliy vaqt bilan soat 17:00 holatida, ro‘yxatga olingan 3 million 25 ming 902 saylovchidan 1 million 213 ming 803 nafari ishtirok etgan. Bu esa saylovda davomat 40,12 foizligini ko‘rsatadi.
Mamlakat Bosh vaziri birinchi o‘rinbosari To‘lqinbek Abdig‘ulov bergan ma'lumotga ko‘ra, mahalliy vaqt bilan soat 16:00da saylovda qatnashgan fuqarolar umumiy saylovchilarning 35,8 foizga teng edi. Bir soat davomida ularning soni 5 foizga o‘sgan.
Ayni paytgacha O‘sh (52,8 foiz), Talos (45,75 foiz) va Bishkekda (45,05 foiz) ishlab turgan saylov uchastkalarida faollik kuzatilmoqda.
Bu vaqtda, Qirg‘izistonning Moskvadagi elchixonasi atrofida hozircha nima maqsadda yig‘ilgani aniqlanmagan qirg‘izlar yurtdoshlaridan namoyishga qo‘shilishini so‘ramoqda. Rossiya TIV Axborot xizmati mazkur voqea yuzasidan rasmiy bayonot bergani yo‘q.
Qirg‘izistonda prezidentlik saylovi
15 oktabr kuni Qirg‘izistonda prezidentlik saylovi bo‘lib o‘tmoqda. Saylovchilar 11 nafar nomzod orasidan mamlakatning kelgusi prezidentini tanlashlari kerak.
Mavzuga oid
16:56
Qirg‘izistonda uch yoshgacha bo‘lgan har bir bola davlatdan nafaqa oladi
21:53 / 26.02.2026
Yevropa Ittifoqi Qirg‘izistondan Rossiyaga reeksport ustidan nazoratni kuchaytirishni talab qildi
17:44 / 23.02.2026
«Do‘stimni ogohlantirgandim» – Japarov Milliy xavfsizlik davlat qo‘mitasidagi o‘zgarishlar haqida
19:27 / 21.02.2026