Hillari Dayan Rodem 1947 yilning 26 oktabrida Chikagoda tug‘ilgan. U bo‘lg‘usi turmush o‘rtog‘i va AQShning bo‘lg‘usi prezidenti Bill Klinton bilan nufuzli Yyel universitetida yuridik bilimlarni egallayotgan davrida tanishgan. Hillari hayotining aksariyat qismini turmush o‘rtog‘ining siyosiy karerasi soyasida o‘tkazdi, biroq o‘zining ham siyosatga qiziqishi katta bo‘lgan. Taqdir taqozosi bilan Monika Levinski bilan bog‘liq mojaro nafaqat Xillariga nisbatan hurmat uyg‘otdi, balki uning siyosiy karerasiga ham turtki berdi. O‘shanda, 1998 yilda butun mamlakat u va turmush o‘rtog‘i uchun og‘ir damlarda Xillarining munosib xatti-harakatlarini diqqat bilan kuzatgan.
Bill Klintonning prezidentlik davri nihoyasiga yetgach, Hillari dastlab Nyu-York shtati senatori bo‘ldi, 2008 yilda esa Demokratik partiya praymerizida bo‘lg‘usi prezident Barak Obama bilan raqobatlashdi. Shundan so‘ng muhim lavozimlardan biri - davlat kotibi lavozimida faoliyat yuritdi va qattiqqo‘l diplomat sifatida nom qozondi. 2016 yilda Hillari Klinton mamlakat prezidenti saylovlarida demokratlar nomzodi bo‘ldi - u saylovchilar ovozi soni bo‘yicha respublikachilar vakili Donald Trampni ortda qoldirdi, biroq tanlovchilar ovozi soniga ko‘ra mag‘lub bo‘ldi. 70 yoshni qarshilagan sobiq prezidentning turmush o‘rtog‘i, sobiq davlat kotibi va sobiq prezidentlikka nomzod Hillari Klinton fotogalereyamizda.
Sobiq AQSh davlat kotibi Hillari Klinton o‘zining "Butun bir qishloq kerak" kitobi nusxasi bilan, 2017 yilning sentabri
Hillari Klinton o‘z nomidagi huquq maktabining tantanali ochilishida, 2017 yilning 14 oktabri
Hillari Klinton bolaligida
