Argentinada mamlakat sobiq vitse-prezidenti hibsga olindi

Argentinaning sobiq vitse-prezidenti Amado Budu noqonuniy ravishda boyish ishi bo‘yicha hibsga olindi, deya xabar qilmoqda RIA Novosti suddagi manbaga asosan.

Budu juma kuni Buenos-Ayresdagi o‘z uyida qo‘lga olindi.

"Budu federal sudya Ariel Lixoning topshirig‘i bo‘yicha qo‘lga olingan", - deya ma'lum qilishdi manbalar. Xabar berilishicha, sudya sobiq amaldorga nisbatan ish qo‘zg‘atish haqida qaror qabul qilgan.

Bududan tashqari, uning sobiq sherigi Xose Mariya Nunes Karmona ham qo‘lga olindi, uning ham shu ishga aloqasi borligi aytilmoqda.

Budu prezident Kristina Fernandes de Kirshner davrida – 2011-2015 yillarda vitse-prezident lavozimini egallagan. 2014 yilda u iqtisodiyot vaziri davridagi firibgarliklar bo‘yicha ish doirasida korrupsiyada ayblangandi.