AQSh ma'muriyati Afg‘oniston va Pokiston uchun 1,2 mlrd dollar so‘radi

AQShning Afg‘oniston va Pokiston bo‘yicha maxsus vakili Elis Uellsning ma'lum qilishicha, AQSh ma'muriyati kongressdan 2018 yilda Afg‘onistonga fuqarolik yordami ko‘rsatish uchun deyarli 800 mln dollar so‘ragan. 

“Afg‘oniston uchun biz bu yil fuqarolik yordami ko‘rsatish uchun 782,8 mln dollar so‘radik”, deb aytgan Uells AQSh kongressi vakillar palatasining xalqaro ishlar qo‘mitasi yig‘ilishida.

Uellsning aytishicha, Pokistonga fuqarolik yordami ko‘rsatish uchun esa 241,1 mln dollar va xavfsizlikni ta'minlashdagi yordam uchun yana 103,5 mln dollar qo‘shimcha mablag‘ so‘ralgan.