Jizzax Politexnika instituti faollari zalida Urgut tumanida istiqomat qiluvchi hozirgi kunda Jizzax shahridagi Jizzax pedagogika hamda Jizzax Politexnika institutida ta'lim olayotgan talaba yoshlar bilan «Hokim va yoshlar» mavzusida uchrashuvi bo‘lib o‘tdi.
Unda Urgut tuman hokimi o‘rinbosari I.Jabborov, O‘zbekiston yoshlar ittifoqi Urgut tuman Kengashi, Jizzax viloyat va shahar Kengashlari, oliy ta'lim muassasalarining mas'ul xodimlari, Jizzax viloyati va Urgut tumani IIB xodimlari ishtirok etishdi.
Uchrashuv davomida bugungi kunda Urgut tumani umumta'lim maktablarida 261 nafar pedagog kadrlarga bo‘lgan ehtiyoj haqida gapirib o‘tildi. Shu bilan bir qatorda 2017 yil 12 yanvarda O‘zbekiston Respublikasi Prezidentining PF-4931 sonli va Vazirlar Mahkamasining 196-sonli Qarori bilan Samarqand viloyatining Urgut, Pastdarg‘om va Nurobod tumanlarida 816 gektar yer maydoniga ega bo‘lgan «Urgut» erkin iqtisodiy zonasini tashkil etilganligi, erkin iqtisodiy zonada 47 ta tadbirkorlik sub'yekti tashkil etilib, 3099 ta ish o‘rni yaratilganligi alohida ta'kidlandi.
Uchrashuv davomida yoshlarning qiziqtirgan savollariga javob qaytarildi.
