Kikboksing bo‘yicha uch karra jahon chempionining jasadi o‘rmondan topildi

Kikboksing bo‘yicha uch karra jahon chempioni rossiyalik Innokentiy Makarovning jasadi topildi, deb xabar bermoqda News.Ykt.Ru.

Nashr ma'lumotiga ko‘ra, sobiq sportchining jasadi Rossiyaning Yoqutiston respublikasida joylashgan Vilyuysk trakti yaqinidagi o‘rmondan topilgan. Kikbokschining o‘ldirilishida gumonlanib Yoqutistonda yashovchi 36 yoshli fuqaro qo‘lga olindi.

5 dan 6 noyabrga o‘tar kechasi Makarov va gumonlanuvchi birga bo‘lishgan, so‘ng ular o‘rtasida mojaro kelib chiqib, natijada sobiq sportchi olgan tan jarohatlari tufayli hayotdan ko‘z yumgan.