Ukrainada eng yangi harbiy 3D-texnika sinovdan o‘tkaziladi

Ukrainaning «Ukroboronprom» davlat konserni 80K6T 3D-radarini sinovdan o‘tkazishni rejalashtirmoqda. Bu haqda mamlakat prezidenti Pyotr Poroshenko feysbukdagi sahifasida xabar berdi.

«Ukroboronprom» davlat konserni 80K6T 3D-radarlarini sinovdan o‘tkazishga tayyorlanmoqda. Bu radar havoda 500 kilometrga qadar bo‘lgan masofada obektlarni aniqlashi, ma'lumotlarni har besh soniyada yangilab borishi, hamda nishonlarga o‘ta yuqori aniqlik bilan hamrohlik qilishi mumkin», - deya yozgan u.

Poroshenkoning so‘zlariga ko‘ra, radarni Ukraina qurolli kuchlaridagi barcha zenit-raketa majmualari bilan ham birga qo‘llash mumkin. 

Eslatib o‘tamiz, avvalroq Ukraina prezidenti Pyotr Poroshenko mamlakat hukumati «maydan»ning eng muhim talablaridan birini bajarishning uddasidan chiqilganligi haqida ma'lum qilgandi.