Qozog‘iston Afg‘onistonga insonparvarlik yordami yuboradi 

Qozog‘iston yaqin vaqt ichida Afg‘onistonga insonparvarlik yordami yuboradi, deya xabar bermoqda primeminister.kz.

Xabar qilinishicha, Qozog‘iston hukumati rahbari Boqijon Sagintayev Sochi shahrida Afg‘oniston Islom Respublikasi ijro etuvchi hokimiyati rahbari Abdulla Abdulla bilan ikki davlat o‘rtasidagi munosabatlarni muhokama qilgan.

“Qozog‘iston va Afg‘onistonning savdo-iqtisodiy, gumanitar, harbiy-texnik sohalardagi bo‘lajak hamkorligi masalalari muhokama qilindi, shuningdek Markaziy Osiyo mintaqasida xavfsizlikni mustahkamlash sohasidagi hamkorlik jihatlari ko‘rib chiqildi. Boqijon Sagintayevning ta'kidlashicha, Qozog‘iston hukumati tomonidan oziq-ovqat mahsulotlari ko‘rinishida insonparvarlik yordamini ko‘rsatish bo‘yicha qaror qabul qilindi, u yaqin vaqt ichida yuboriladi", - deyiladi xabarda.

Bosh vazirlar uchrashuvi Shanhay hamkorlik tashkilotiga a'zo davlatlar hukumat rahbarlari Kengashining yig‘ilishi doirasida bo‘lib o‘tdi.