Foto: © AP Photo/ Octav Ganea
Ruminiyaning sobiq qiroli Mixay I 5 dekabrda Shveytsariyadagi qarorgohida 96 yoshida hayotdan ko‘z yumdi. Bu haqda Ruminiya qirollik uyi ma'lum qildi.
2016 yil mart oyida sobiq qirolda onkologik kasallik aniqlangan. Mixay jarrohlik operatsiyasini boshdan o‘tkazgan. Qirollik toji asrovchisi etib uning qatta qizi Margareta tayinlandi.
Mixay Iosif Stalin, Uinston Cherchill, Franklin Ruzvelt kabi shaxslar bilan suhbatlashgan, Ruminiyaning Ikkinchi jahon urushi davridagi oxirgi rahbari hisoblanadi. U sobiq ittifoqning “Pobeda” harbiy ordenini olgan 5 nafar xorijlikdan biridir. Qirolning ortidan 5 nafar qizi va 5 nafar nabirasi qoldi.
