Endi umid «Tottenhem»dan. APLda tur o‘yinlari anonsi
|21:40 / 16.12.201713 97510 min
Angliya premer-ligasining 18-turidan o‘rin olgan uchrashuvlar start oladi. TOP-6likning qariyb barchasi chempionlikdan umidini uzganini tan olayotgan bo‘lsada, ligada hali kurash davom etadi. Joriy turda, endi «Tottenhem» «Manchester Siti»ning seriyasiga yakun yasashga urinib ko‘radi. Tribuna.Uz an'anaviy ravishda eng ommabop chempionat o‘yinlariga batafsil to‘xtalib o‘tadi.
Angliya premer-ligasi
18-tur
«Arsenal» – «Nyukasl»
Boshlanish vaqti: 16 dekabr, 20:00 Translyatsiya: Match! Futbol 1 (yozib olingan holda)
O‘yinoldi qiziqarli faktlar
«Arsenal» «Nyukasl»ga qarshi APL doirasidagi so‘nggi 9 uchrashuvning barchasida g‘alaba qozongan, 22 gol urib, 6 marta gol o‘tkazib yuborgan.
Olive Jiru APLda eng ko‘p (8ta gol) «Nyukasl» darvozasini ishg‘ol qilgan. Shuningdek «Emireyts»da kechgan 4 uchrashuvda «Nyukasl» darvozasiga urilgan oltita golda (5 gol, 1ta golli pas) ishtirok etgan.
«Nyukasl» «Arsenal» uyiga tashrif buyurgan so‘nggi beshta uchrashuvda mag‘lubiyatga uchragan. So‘nggi marta jamoa bu stadionda 2010 yilning noyabrida g‘alaba qozonib qaytgan.
Rafael Benites APL doirasida hech qachon «Arsenal»ni mag‘lub eta olmagan. (2 durang, 4 mag‘lubiyat).
Yo‘qotishlar
Santi Kasorla, Shkodran Mustafi va Aaron Remzi jarohati sabab bu uchrashuvda maydonga tusha olmaydi. Teo Uolkottning ishtiroki esa so‘roq ostida qolmoqda.
«Nyukasl» tarkibida hujumchi Aleksandr Mitrovich jarohati,Xesus Games va Jonjo Shelvi esa diskvalifikatsiya tufayli maydonga tusha olmaydi. Pol Dammit esa avgust oyidan buyon ilk marta yana safga qaytishi mumkin bo‘ladi.
«Chelsi» – «Sauthempton»
Boshlanish vaqti: 16 dekabr, 20:00 Translyatsiya: UzReport TV, Match! Futbol 1
Mavzuga oid
O‘yinoldi qiziqarli faktlar
«Chelsi» «Sauthemptonga qarshi Premer-liga doirasidagi so‘nggi uch uchrashuvda g‘alaba qozongan, lekin so‘nggi marta2015 yilning noyabrida «Stemford Brij» 1:3 hisobida yutqazgan.
Antonio Konte «Chelsi» murabbiylari ichida shu davrgacha bo‘lgan muddatda g‘alabalar foizi bo‘yicha (74.6 foiz uchrashuvlarda g‘alaba) eng yaxshi murabbiy bo‘lib turibdi.
Charli Ostin APL doirasidagi «Sauthempton» tarkibida so‘nggi 12 uchrashuvda asosiy tarkibda tushganida 8ta gol kiritishga muvaffaq bo‘lgan, jumladan so‘nggi to‘rtta asosiy tarkibda tushgan o‘yinlarida to‘rtta gol urgan.
«Sauthempton» «Chelsi»ga qarshi APL doirasidagi so‘nggi 24 uchrashuvda faqat bir marta o‘z darvozasidan to‘p olib chiqmagan. Bu 2002 yilda, «boksing dey» vaqtida kuzatilgan bo‘lib, o‘shanda mehonlar darvozasini Antti Niyemi qo‘riqlagandi. Uchrashuv golsiz durang bilan tugagan.
Yo‘qotishlar
«Chelsi» hujumchisi Alvaro Morata chorshanba kungi uchrashuvlarni o‘tkazib yuborgandi va bu safar ham uning maydonga tushishi so‘roq ostida qolmoqda. David Luiz esa uzoq muddatga safdan chiqdi.
«Sauthempton» esa bu uchrashuvga hech qanday yo‘qotishlarsiz yetib keldi.
«Manchester Siti» – «Tottenhem»
Boshlanish vaqti: 16 dekabr, 22:30 Translyatsiya: Futbol TV, Match TV, Match! Futbol 1
O‘yinoldi qiziqarli faktlar
«Tottenhem» «Manchester Siti» uyida APL istalgan boshqa jamoasidan ko‘proq — 10 marta g‘alaba qozongan.
«Manchester Siti» bir mavsumda, yangi yilga qadar Top-6ga kiruvchi barcha jamoalar «Liverpul», «Arsenal», «Manchester Yunayted», «Chelsi» va «Tottenhem»ni mag‘lub etgan APL tarixidagi ilk jamoaga aylanishi mumkin.
Kevin De Bryuyne sentabrdan buyon 14 uchrashuvda maydonga tushib, jamoasining 13 golida (5 gol, 8 golli uzatma) ishtirok etishga ulgurdi.
Harri Keyn joriy mavsumda APL doirasidagi yettita safar uchrashuvida 7ta gol kiritishga muvaffaq bo‘ldi. Shuningdek unda Alana Shirer bir taqvim yilida urgan 36 goldan iborat rekordga yetishi uchun bor-yo‘g‘i uchta gol yetishmayapti. Uning hisobida 2017 yilda APLda urilgan 33 gol mavjud.
«Manchester Siti» so‘nggi 4 uchrashuvdan buyon «Tottenhem»ni mag‘lub eta olmay kelmoqda.
Yo‘qotishlar
«Manchester Siti» himoyachilari Jon Stounz, Benjamin Mendi va Vensan Kompani jarohati sabab bu uchrashuvda maydonga tusha olmaydi.
«Tottenhem» tarkibida Devinson Sanches diskvalifikatsiya tufayli, Tobi Alderveyreld va Viktor Vanyama jarohati sabab o‘yinda ishtirok etmaydi.
«Vest Bromvich» – «Manchester Yunayted»
Boshlanish vaqti: 17 dekabr, 19:15 Translyatsiya: Match! Futbol 1
O‘yinoldi qiziqarli faktlar
«Vest Bromvich» Aleks Fergyuson bosh murabbiylikdan ketgach, «Manchester Yunayted»ga qarshi 8 marta maydonga tushib, ularning uchtasida g‘alaba qozongan. Fergyuson davrida esa 14 uchrashuvida birorta ham g‘alabaga (3 durang, 11 mag‘lubiyat) erisha olmagan.
Garet Berri 36-marta «Manchester Yunayted»ga qarshi APL uchrashuvida maydonga tushishi mumkin. Faqatgina Rayan Giggz bir jamoaga qarshi Berridan ko‘proq («Liverpul»ga qarshi 38 marta) o‘ynagan.
Romelu Lukaku «Vest Bromvich»ga qarshi 6 uchrashuvni asosiy tarkibda boshlab, 7ta golda (4 gol, 3 golli uzatma) ishtirok etgan.
Alan Pardyuni Angliyada Mourinoni yutish bo‘yicha rekordchi sanaladi. Hech qaysi murabbiy Joze Mourinoni Angliya Premer-ligasida Alan Pardyuchalik ko‘p (3 marta yutgan) yuta olmagan.
Yo‘qotishlar
«Vest Bromvich» tarkibida Garet Berrining ishtiroki so‘roq ostida turibdi.
Mett Fillips va Kreyg Douson esa jarohatdan tuzalib safga qaytgan. Nosir Shodli ham umumiy guruh bilan shug‘ullanayotgan bo‘lsada, bu uchrashuvda murabbiy uni maydonga tushirib tavakkal qilmasa kerak.
«Manchester Yunayted» tarkibida himoyachi Erik Bayi kamida 2-3 muddatga safdan chiqqan ma'lum bo‘ldi. Yarimhimoyachi Pol Pogba esa so‘nggi diskvalifikatsiya muddatini o‘taydi va uchrashuvni o‘tkazib yuboradi.
«Bornmut» – «Liverpul»
Boshlanish vaqti: 17 dekabr, 21:30 Translyatsiya: Futbol TV, Match! Futbol 1
O‘yinoldi qiziqarli faktlar
O‘tgan mavsumda faqatgina bitta juftlikda «Bornmut» -«Liverpul» qarama-qarshiligida kiritilgan gollardan (2ta o‘yinda 11ta gol) ko‘proq gol kiritilgan. Bu «Kristal Pelas» -«Suonsi» to‘qnashuvi bo‘lib, ikki uchrashuvda 12 gol kiritilgan
«Liverpul» Premer-Liganing so‘nggi 8 uchrashuvidan buyon mag‘lubiyatga uchramay (5 g‘alaba, 3 durang) kelmoqda. Ularning mag‘lubiyatsiz o‘yinlar soni bo‘yicha rekordi 2016 yilning noyabrida qayd etilgan bo‘lib, jamoa o‘shanda ketma-ket 11 uchrashuvda yutqazmagandi.
Jyermeyn Defo «Liverpul»ga qarshi so‘nggi 3 uchrashuvda, 3ta gol urgan. Oldingi 20 uchrashuvda esa atigi 2ta gol kiritgan.
Muhammad Saloh yana bitta gol ursa, 2013/2014 yilgi mavsumdan so‘ng «Liverpul» tarkibida barcha musobaqalarda 20 yoki undan ortiq gol kiritgan ilk futbolchiga aylanadi. 2013/2014 yilgi mavsumda Luis Suares va Daniel Starrijning ikkalasi ham bu marrani zabt etgandi.
Yo‘qotishlar
«Bornmut» tarkibida yangi jarohat olganlar yo‘q. Himoyachi Tayron Mings sentabrdan buyon maydonga tusha olmayapti.
«Liverpul» tarkibida Adam Lallana nihoyat to‘liq safga qaytdi. Darvozabon Simon Minole va Daniel Starrijning ishtiroki esa so‘roq ostida qolmoqda. Joel Matip va Alberto Moreno esa jarohati sabab bu uchrashuvda ishtirok eta olmaydi.
Qolgan uchrashuvlar
«Lester» – «Kristal Pelas»
Boshlanish vaqti: 16 dekabr, 17:30
«Brayton» – «Byornli»
Boshlanish vaqti: 20:00
«Stok Siti» – «Vest Hem»
Boshlanish vaqti: 20:00
«Uotford» – «Haddersfild»
Boshlanish vaqti: 20:00
«Everton» – «Suonsi»
Boshlanish vaqti: 19 dekabrga o‘tar kechasi 01:00
