«Maduro aybdor» - Venesuelada «neft» inqirozi 

Venesuela neft sanoati ishchilari kasaba uyushmasi rahbari Ivan Freytesning xabar berishicha, mamlakatdagi aksariyat neftni qayta ishlovchi zavodlar o‘z ishini to‘xtatdi. Bu haqda Panorama portali ma'lum qildi.

"Na moylash materiallari, na benzinni ishlab chiqarayotganimiz yo‘q. Faqatgina Amuay va Cardon NQZ ishlamoqda", - deya ta'kidlab o‘tgan Freytes.

Uning so‘zlariga ko‘ra, mamlakatda benzin ishlab chiqarish deyarli to‘xtatildi.

Freytesning qo‘shimcha qilishicha, davlat neft qoldig‘ini ishlab chiqarmoqda, ular keyinchalik Qo‘shma Shtatlarda arzon narxlarda sotilmoqda, sababi Venesuela mustaqil ravishda "xomashyoni qayta ishlay olmaydi".

Kasaba uyushmasi rahbarining bildirishicha, sohadagi ba'zi ishchilarning “tinkasi qurigan va ochlikdan aziyat chekmoqda”.

"Bu Venesuela prezidenti Maduroning aybi", - deya ta'kidlab o‘tgan Freytes.

Avvalroq Venesuela savdo-sanoat palatalari federatsiyasi va uyushmalari prezidenti Karlos Lasarrabal mamlakat iqtisodiyotning giperinflyatsiya bosqichiga kirgani haqida xabar bergandi.