KXDR BMTning yangi sanksiyalarini urush akti deb atadi

Shimoliy Koreya BMTning yangi sanksiyalarini «urush harakati» sifatida rad etadi. KXDR Tashqi ishlar vazirligi bayonotida BMT Xavfsizlik kengashining qarori to‘la iqtisodiy blokada sifatida baholangan.

«Biz AQSh tomonidan yadro xavflari, tovlamachilik va dushmanlik harakatlarini kuchlarning amaliy muvozanatini o‘rnatish yo‘li bilan asosli yo‘qotishga qaratilgan tiyib turish mudofaa yadro tizimimizni mustahkamlashda davom etamiz», — deyilgan vazirlik bayonotida.

Shimol koreyslari AQSh «davlat yadro kuchlari ishga tushirilishining buyuk tarixiy yakunlanishi qarshisida to‘la vazifaga tushib qolgan»ini ta'kidlagan.

BMT Xavfsizlik kengashi 22 dekabr kuni bir ovozdan Pxenyanga nisbatan yanada keskinroq choralar nazarda tutilgan yangi sanksiyalar bo‘yicha rezolyutsiyani qabul qilgandi. Yangi choralar 1 yanvardan boshlab ushbu mamlakatga neft mahsulotlari yetkazib berishni 90 foizga qisqartirishni ko‘zda tutadi.

Bundan tashqari, KXDRga turli minerallar, kimyoviy mahsulotlar, elektronika mahsulotlari va qurilmalar, shuningdek, ayrim oziq-ovqat mahsulotlari yetkazib berishni to‘xtatish mo‘ljallangan. Hujjatga ko‘ra, Shimoliy Koreyadan elektrqurilmalar va qishloq xo‘jaligi mahsulotlari sotib olish taqiqlanadi.

Chegaradan tashqarida ishlayotgan barcha Shimoliy Koreya fuqarolari 2 yil mobaynida ortga qaytariladi. Bu esa Shimoliy Koreyaga valyuta oqimini keskin darajada qisqartiradi.

Bunday choralar KXDRda 28 noyabr kuni navbatdagi raketa sinovlari o‘tkazilganiga javoban qo‘llanmoqda.