Britaniyalik pitssa xarid qilish uchun traktorda keldi

Angliyaning Kambriya grafligi yo‘l politsiyasi xabar qilishicha, yarim tunda pitssa xarid qilishga kelgan fuqaroni qo‘lga olgani haqida xabar qilmoqda. Gap shundaki, u taomni olib ketish uchun traktorda kelgani sababli, mast qiluvchi ichimlik ta'sirida bo‘lgani gumon qilinayapti. 

Graflik politsiyasi Twitter mikroblogida tungi vaqtda olingan fotosuratni joylashtirdi. "Ushbu transport vositasi haydovchisi Karlayl shaharchasidagi pitssani traktorda olib ketishga uringan. U alkogolli yoki narkotik mastlik holatida haydovchilik qilgani uchun ushlandi", — deyiladi xabarda. 

Huquq-tartibot idorasi xodimlari vaziyatga hazil bilan yondashishgan va xabarni "omadsiz" va "och qolgan" kabi heshteglar bilan e'lon qilishgan.