Suriyada harbiy samolyot urib tushirildi

Jangarilar Suriyaning Hama shahri yaqinida Suriya armiyasiga qarashli harbiy samolyotni urib tushirdilar. Ta'kidlanishicha, samolyot uchuvchisi halok bo‘lgan.

“Al Masdar” arab nashri ma'lumotlariga ko‘ra, uchuvchi asirga olinib, keyin o‘ldirilgan.

Ko‘rinishicha, gap “Jibhat an-Nusra” jangarilari hujumi haqida ketmoqda.

Dekabr boshida Suriyada IShID yakson etilgani e'lon qilinganiga qaramay, mamlakatda boshqa radikal guruhlar harakat qilmoqda. Suriya prezidenti Bashar Asad hukumat qo‘shinlari oxirgi jangari yo‘q qilinmaguncha kurashni davom ettirishlarini aytgan.