Foto: Reuters
AQSh davlat kotibi Reks Tillersonning ma'lum qilishicha, Vashingtonda ayni damda «uyg‘onayotgan» Rossiya bilan yomon munosabatlar bor. Bu haqda u The New York Times uchun yozgan maqolasida aytib o‘tdi.
Tillersonning ma'lum qilishicha, «Rossiya bo‘yicha bizda rejimga doir soxta tasavvur yo‘q, biz u bilan ishlashga majburmiz».
«Qo‘shma Shtatlarda bugun uyg‘onayotgan Rossiya bilan yomon munosabatlar bor, u so‘nggi o‘n yil ichida qo‘shni Gruziya va Ukrainaga bostirib kirdi hamda bizning va boshqalarning saylovlariga aralashib, g‘arb mamlakatlari suverenitetiga zarar yetkazdi», - deya yozgan Tillerson.
