Hindistonda xorijliklar uchun mini-turma ochiladi

Hindistonning Goa g‘arbiy shtati ma'muriyati Mapusa shahridagi eski qamoqxonani ta'mirdan chiqaradi va uni xorijiy davlatlardan bo‘lgan hamda viza rejimini buzgan fuqarolarni hibsda saqlash uchun qo‘llaydi. Bu haqda TASS xabar bermoqda.

Bunday markazni barpo etishga sabab shundan iborat bo‘ldiki, ko‘plab xorijliklar bu yerga kelib, mahalliy kurortlarda Hindiston vizalari bilan ruxsat berilgan muddatdan ham ko‘proq vaqtga qolishadi. Qonunbuzarlar hujjatlarni rasmiylashtirish davrida markazda saqlanadi, keyin esa vatanlariga chiqarib yuboriladi.

Shu bilan birga, har bir qo‘lga olingan shaxs haqida u kelgan davlat elchixonasiga xabar qilinadi, deya aytib o‘tdi Goa politsiyasi bosh direktori o‘rinbosari Rupinder Kumar.

Markaz yaqin vaqt ichida ochilishi haqidagi yangilik tezda butun shtat bo‘ylab tarqaldi, uni mahalliy fuqarolar “bepul mehmonxona”, deb atashmoqda. Ularning aksariyati fikricha, Goada anchadan beri shunday markazga ehtiyoj bor edi.