Pokiston tashqi ishlar vaziri Xavaja Asif AQSh prezidenti Donald Trampning Pokistonga moliviy yordam berilishi haqidagi so‘zlari endi hech qanday ahamiyatga ega emasligini, chunki Pokiston hukumati AQSh bilan hamkorlikni kengaytirishdan voz kechganini aytib o‘tdi. Bu haqda Geo TV telekanali xabar bermoqda.
Avvalroq Tramp tvitterda AQSh Pokistonga moliyaviy yordam ko‘rsatib kelgani, biroq Islomobod terrorchilikka qarshi kurashda yordam bermagani va afg‘onistonlik jangarilarni o‘z hududida yashirgani, biroq “endi bu holat boshqa davom etmasligini” yozgan.
“Biz AQShga u uchun boshqa hech narsa qilmasligimizni aytdik, shu sababli Trampning so‘zlari hech qanday ahamiyatga ega emas. Pokiston AQShdan olgan yordam bo‘yicha batafsil ma'lumot taqdim qilishi mumkin”, deb aytgan vazir.
Uning aytishicha, Tramp AQShning Afg‘onistondagi muvaffaqiyatsizliklaridan hafsalasi pir bo‘lib, Pokistonga ayblovlar qo‘ymoqda. Asif AQShning Afg‘onistondagi harbiy ishtirokiga qarshi chiqib, muammoni faqat tinchlik yo‘li bilan hal qilish mumkinligini aytgan.
