Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
КХДР Жанубий Корея билан музокаралар ўтказишга рози бўлди
11:00 / 03.01.2018
8938
Фото: Asian Correspondent

Шимолий Корея етакчиси Ким Чен Ин Жанубий Корея билан олий даражада музокаралар ўтказишга рози бўлди. Бу Пханмунжомдаги қуролсизлантирилган ҳудудда махсус алоқа воситаси ёрдамида рўй беради, деб хабар қилмоқда «Рёнхап».

Хабар қилинишича, музокаралар Тошкент вақти билан соат 11:30да бошланади. Кутилишича, томонлар КХДР делегациясининг Жанубий Кореянинг Пёнгчанг шаҳрида бўлиб ўтадиган Олимпия ўйинларидаги эҳтимолий иштирокини муҳокама қилади.

Эслатиб ўтамиз, аввалроқ Жанубий Корея КХДРга 9 январь куни икки мамлакат ўртасидаги қуролсизлантирилган ҳудудда жойлашган Пханмунжом музокаралар пунктида олий даражада музокаралар ўтказишни таклиф қилаётгани хабар берилганди.


Улашинг
Top