O‘zbekistonda “Multiplikatsion filmlar studiyasi” tashkil etiladi

O‘zbekiston Respublikasi Vazirlar Mahkamasining “O‘zbekkino” Milliy agentligi faoliyatini tashkil etish bo‘yicha qo‘shimcha chora-tadbirlar to‘g‘risida”gi qarori qabul qilingani haqida xabar berilgandi.

Hujjat bilan “O‘zbekkino” Milliy agentligi, “O‘zbekfilm” aksiyadorlik jamiyati, “O‘zbekiston Respublikasi ilmiy-ommabop va hujjatli filmlar kinostudiyasi” mas'uliyati cheklangan jamiyatning agentlik huzurida “Multiplikatsion filmlar studiyasi” Davlat unitar korxonasini tashkil etish haqidagi taklifi ma'qullandi.

Shuningdek, agentlik tizimiga kiruvchi “O‘zbekiston Respublikasi ilmiy-ommabop va hujjatli filmlar kinostudiyasi” mas'uliyati cheklangan jamiyati “Hujjatli filmlar kinostudiyasi” Davlat unitar korxonasiga aylantiriladi. 

“Yoshlar tajriba-ijodiy 5-studiyasi” Davlat korxonasi esa “Yoshlar ijodiy tajriba studiyasi” Davlat unitar korxonasi sifatida qayta nomlanadi.