"Ақлли" чемодан намойиш этилди 
18:23 / 06.01.2018
8489
Фото: 90Fun

Хитойнинг 90Fun компанияси эгасининг оғир сумкасини мустақил равишда ташишга қодир Puppy 1 "ақлли" чемоданини намойиш этди. Чемодан аниқ маълумот ва йўналишларсиз эгасининг изидан эргашади. 

Янги қурилманинг расмий тақдимоти Лас-Вегасда бўлиб ўтиши кутилаётган CES 2018 кўргазмаси доирасида ўтказилади. Маълумотларга кўра, чемодан эслаб қолишдан ташқари, эгасининг буйруқларига реакция билдириши ҳам мумкин, яъни у керак пайтда ҳаракатланиб, керак пайтда тўхтайди. 

Қурилма транспорт воситаларини ишлаб чиқарувчи Segway компанияси томонидан ишлаб чиқилган. Puppy 1 "ақлли" чемодани 50 квадрат сантиметрга тенг бўлиб, ҳаракатланиш учун классик ушлагич ҳам бирга сотилади. Ишланма нархи ҳозирча маълум қилинмаган, расмий тақдимот вақтида компания стандарт нархларга доир маълумотлар билан бўлишиши кутилмоқда.


Улашинг
Top