Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
iPhone X эгалари смартфон соқолни юлиб олаётганидан шикоят қилишмоқда 
08:54 / 11.01.2018
9621
Фото: Life.ru

Бутун дунё бўйлаб iPhone X смартфони эгалари қурилма уларнинг юзларидаги мўйларни юлиб олаётганидан шикоят қилишмоқда. Муаммо ҳақида Reddit, MacRumors форумлари ва “Твиттер”га иқтибос келтирган ҳолда PhoneArena хабар қилди.    

Смартфон эгаларининг таъкидлашларича, юздаги мўйлар (асосан мўйлаб ва соқол)  телефонда гаплашганда унинг корпусидаги тирқишлар орасида сиқилиб қолиб, гаплашиб бўлгандан кейин қурилмани юздан олганда юлиниб чиқмоқда.

Шунга ўхшаш муаммо айфонларда 2014 йилда ҳам қайд қилинганди. Ўшанда Apple компанияси янги корпусдаги iPhone 6’ни тақдим қилган. Бу қурилма юздаги мўйларни юлиб олган. Ушбу муаммо Hairgate (АҚШнинг собиқ президенти Ричард Никсон билан боғлиқ Уортергейт можаросига киноя қилиб аталган) деган ном ҳам олган. Бироқ Apple бу шикоятларга ҳеч қандай муносабат билдирмаган.


Улашинг
Top