Italiya A Seriyasi bu hafta dam oladi, Bundesliga esa, qisqa tanaffusdan keyin navbatdagi tur o‘yinlariga start bermoqda.
Kubok o‘yinlarida maydonga tushib, biroz «tin olish»ga ham imkon topa olmayotgan Ispaniya va Angliya jamoalari ham ertadan yana chempionat o‘yinlarida maydonga tushadi. Bizni kutib turgan dam olish kunlarida e'tiborga molik o‘yinlari haqida hech qachon dam olmaydigan «Tribuna.uz» hikoya qiladi.
BAYYeR – BAVARIYa (12 yanvardan 13 yanvarga o‘tar kechasi, 00:30)
Qisqa tanaffusdan so‘ng, bugundan Bundesliga ham ikkinchi davra o‘yinlarini boshlaydi. Turnirning yaqqol peshqadami «Bavariya» eng yaqin ta'qibchisidan 11 ochko ilgarilab ketib bo‘lgan bo‘lsa-da, bugungi raqib ancha prinsipial va o‘yin juda qiziqarli o‘tishiga shubha yo‘q.
Shuningdek, «Bavariya» «Bayyer» maydonida 4 o‘yindan beri g‘alaba qozona olmayotgani, so‘nggi uch o‘yinda esa, umuman gol ura olmaganini e'tiborga olsak, o‘yinning shiddatli bo‘lishini kutish mumkin. Myunxenliklar o‘yinida tanaffusdan oldin biroz pasayish kuzatilgan, jamoa oxirgi 4 g‘alabasini minimal hisobda qo‘lga kiritgandi. Ammo davralar orasidagi yig‘inda sparring raqiblar darvozasiga ikki o‘yinda 7 gol urishdi. Balki Haynkes shogirdlari yana sermahsullik rejimiga qaytishgandir?
CheLSI – LeSTeR (13 yanvar, 20:00)
So‘nggi ikki mavsumdagi APL chempionlari o‘rtasidagi bahs ko‘pchilikda qiziqish uyg‘otsa kerak. Zero bu jamoalarning birinchi davradagi o‘yini ham juda murosasiz kechgan, mehmonlar 2:1 hisobida ustun kelgandi.
«Lester» noyabr oyini juda kuchli o‘tkazib, qatorasiga 4 o‘yinda g‘alaba qozongandi, ammo keyingi o‘yinlarda pasayish ro‘y berdi va 5 o‘yindan atigi 1 o‘yinda g‘alaba qozondi xolos. Albatta, bu pallada lesterliklarga «Manchester Yunayted» va «Liverpul» kabi klublarning raqib bo‘lganini ham unutmaslik kerak.
«Chelsi» esa, so‘nggi ikki kubok o‘yinida bir xil 0:0 o‘ynadi. Konte shogirdlarining chorshanba oqshomida Liga kubogi yarim finalida «Arsenal»ga qarshi o‘yin o‘tkazgani ushbu to‘qnashuvda jamoa o‘yiniga salbiy ta'sir o‘tkazishi ehtimoli bor. Chunki raqibidan farqli ravishda «Lester» bir hafta dam olish imkoniga ega bo‘ldi. Yil oxiridagi zich taqvimdan so‘ng bu tanaffus har qanday jamoaga katta yordam beradi.
Shuningdek, bu o‘yinda sobiq lesterchilar – Kante va Drinkuoter juftligi «Lester»ga qarshi qanday o‘yin ko‘rsatishlari ham qiziq.
ReAL – VILYaReAL (13 yanvar, 20:15)
