Foto: the-uff.com
O‘zbekiston futbol federatsiyasi prezidenti Umid Ahmadjonov bugun 21 yanvar kuni Madridda argentinalik sobiq futbolchi, 1986 yilgi jahon chempioni Xorxe Valdano bilan uchrashdi. Bu haqda O‘FF matbuot xizmati xabar tarqatdi.
Manbaga ko‘ra, uchrashuv davomida Umid Ahmadjonov Xorxe Valdano bilan O‘zbekistonda malakali futbol murabbiylarini tayyorlash bo‘yicha yangi tizimni yaratish, bolalar va o‘smirlar futbol murabbiylarining saviyasini oshirish masalalari bo‘yicha fikr almashildi.
Ma'lumot uchun, Xorxe Valdano o‘z vaqtida «Valensiya», «Real» Madrid kabi klublarda murabbiy sifatida faoliyat yuritgan. Shuningdek, bir muddat «Real» Madrid klubi bosh direktori sifatida ham ish olib borgan.
